logo

ატომური ბომბი რომ ჩამოვარდეს ზიარებას არ შევწყვეტთ - მეუფე ანტონი

03 აპრ 202011:07
3 წუთის საკითხავი
clock 0 clock 591

ვანისა და ბაღდათის მიტროპოლიტი მზადაა, სააღდგომო წირვა სპორტულ მოედანზე ჩაატაროს. ამის შესახებ მეუფე ანტონმა "ფორმულასთან" საუბრისას განაცხადა.

მისი თქმით, აღდგომის დღესასწაულზე, წირვას ყველა იმ რეკომენდაციის დაცვით ჩაატარებს, რომელიც საპატრიარქოსგან აქვთ. ამასთან, მეუფე ანტონი საზოგადოებას სახელმწიფოსა და ეკლესიას შორის ურთიერთობის დაძაბვაში ადანაშაულებს.

"ატომური ბომბი რომ ჩამოვარდეს, აღდგომის დღესასწაულს და საერთოდ ზიარებას არ შევწყვეტთ დედამიწაზე. მე მაგალითად, იმასაც ვფიქრობ, რომ სტადიონზე ჩავატარო აღდგომის წირვა. ყველას შეუძლია განთავსდეს ერთმანეთისგან შორს, თავის დინამიკებით. ამას ჩვენ გავაკეთებთ, მაგრამ წირვა რომ შევწყვიტოთ და მსახურება ეს წარმოუდგენელია. ყველა სპექტრი თითქოს აკეთებს იმას, რომ ჩვენსა და ხელისუფლებას შორის დაძაბოს სიტუაცია", - აღნიშნა მეუფე ანტონიმ

დაავადებათა კონტროლის ეროვნული ცენტრი კრორონავირუსით გამოწვეული პანდემიის პიკს, აპრილის ბოლოს ელოდება. სწორედ იმ პერიოდში, როდესაც მართლმადიდებელი ეკლესია აღდგომის ბრწყინვალე დღესასწაულს აღნიშნავს. დაემორჩილება თუ არა საპატრიარქო მთავრობის დადგენილებას და გაითვალისწინებს თუ არა ჯანდაცვის მსოფლიო ორგანიზაციის რეკომენდაციებს, უცნობია.

შეგახსენებთ, რომ ქვეყანაში კორონავირუსით ინფიცირების 148 შემთხვევა დაფიქსირდა. 



close დახურვა