პრემიერ მინისტრი გიორგი გახარია ხვალ საკანონმდებლო ორგანოში კორონავირუსთან დაკავშირებით ანგარიშს წარადგენს. სხდომას ბოიკოტის მიუხედავად ოპოზიცია მაინც დაესწრება. ხელისუფლების ოპონენტებს მიაჩნიათ, რომ გახარიას პარლამენტში მისვლა დაგვინებულია.
ოპოზიციურ პარტიებს აინტერესებთ როგორ შეძლებს სახელმწიფო ქვეყნის ეკონომიკის ამუშავებას და რამდენად საკმარისი იქნება პანდემიის გამო დაზარალებული პირებისთვის ერთჯერადი დახმარებები.
„ევროპული საქართველოს“ წევრი გიგა ბოკერია აცხადებს, რომ გახარიასთან კითხვები გაჩერებულ საზოგადოებრივ ტრანსპორტთან დაკავშირებითაც ექნებათ.
„რა თქმა უნდა, დაგვიანებულია და ეს არის პარლამენტის უპატივცემულობა, სადაც თვითონ აქვთ უმრავლესობა და როცა ამ გადაწყვეტილებას იღებდნენ, პარლამენტი მაშინაც უნდა ყოფილიყო ამაში ჩართული. მთავრობა ჯერ არანაირ ნაბიჯებს არ დგამს, რომ მოქალაქეებს გადასახადი და ტვირთი შეუმსუბუქოს. იქ, სადაც რთულია დიფერენციაცია, იქ ეს აბსურდი, რომელიც მოიგონეს, რომ თვითონ უნდა დაამტკიცოს თვითდასაქმებულმა, რომელიც გამოიწვევს ქაოსს და უამრავი ადამიანი დარჩება დახმარების გარეშე, ეს არ შეიძლება. ამ საკითხებზე გვექნება ჩვენ საუბარი. ისევე როგორც შერჩევითობაზე, როგორც ეკონომიკას მოექცნენ და მიმდინარე საკითხზე, საზოგადოებრივი ტრანსპორტის დაბრუნების გარეშე, ჩვეულებრივი მოქალაქის შანსები, რომ ოჯახი შეინახონ, ვერ აღდგება“, - აღნიშნა ბოკერიამ.
„კონსერვატიული“ პარტიის თავმჯდომარე ზვიად ძიძგური კი მიიჩნევს, რომ საზოგადოებრივი ტრანსპორტის მოძრაობა აუცილებლად უნდა აღდგეს.
დახურვა