logo

სამადაშვილი ბაქრაძეზე: სააკაშვილზე თავდასხმა მათივე მაჟორიტარებს დაუჯდებათ ძვირად

clock 5 clock 286 clock 15 აგვ 202018:16
050badoaurkg0qr.jpg

ნაციონალური მოძრაობის ლიდერი, სალომე სამადაშვილი აცხადებს, რომ დავით ბაქრაძის მხრიდან მიხეილ სააკასვილზე თავდასხმა, ევროპული საქართველოს მაჟორიტარებს ძვირი დაუჯდებათ.

სამადაშვილი აღნიშნავს, რომ ბაქრაძის ეს საჯარო პოზიცია საერთო ოპოზიციურ მიზანს აზიანებს. 

"მსგავსი განცხადებები ნამდვილად არ ეხმარება ამ ერთიანობას. ჩემთვის გაუგებარია, რატომ არ იფიქრა ბატონმა ბაქრაძემ, რომ მისი მხრიდან თავდასხმა მიხეილ სააკაშვილზე ძალიან ძვირი დაუჯდებათ მაჟორიტარ კანდიდატებს ევროპული საქართველოდან, სადაც მათ სჭირდებათ, მაგალითად თბილისში, ერთიანი ნაციონალური მოძრაობის ამომრჩევლის მხარდაჭერა. 

ასევე, ვფიქრობ, რომ ცოტათი გაუგებარი იქნება ამომრჩევლისთვის მსგავსი განცხადებები ადამიანისგან, რომელსაც საკონსტიტუციო უფლებამოსილებაც და ვალდებულებაც ჰქონდა აღმასრულებელი ხელისუფლების კონტროლის, როცა ის პარლამენტის თავმჯდომარე იყო. გაუგებარია რატომ უნდა ენდოს ამომრჩეველი დავით ბაქრაძეს, თუ ის თავის დროზე ვერ ასრულებდა დაკისრებულ მოვალეობას. 

ეს განცხადება არის დამაზიანებელი, როგორც საერთო ოპოზიციური მიზნებისთვის, ასევე დამაზიანებელია პირადად დავით ბაქრაძისთვის", - ამბობს სალომე სამადაშვილი

ევროპული საქართველოს ლიდერმა დავით ბაქრაძემ გუშინ, 14 აგვისტოს განაცხადა, რომ მათი პარტიისთვის მიუღებელი იქნება ყოფილი პრეზიდენტის, მიხეილ სააკაშვილის, ყოფილი პრემიერის, ვანო მერაბიშვილისა და ყოფილი იუსტიციის მინისტრის, ზურაბ ადეიშვილის მომავალ მინისტრთა კაბინეტში, ან პრემიერის პოსტზე ყოფნა. ამის შესახებ მან რუსთავი 2-ზე, ღამის კურიერის ეთერში ისაუბრა.

 

ასევე წაიკითხეთ
close დახურვა