logo
ENG

კობახიძე ნამახვანჰესზე: ცუდი სიგნალია შემდგომი ინვესტიციებისთვისაც

22 სექ 202116:44
3 წუთის საკითხავი
clock 436

ქართული ოცნების თავმჯდომარე ირაკლი კობახიძე ამბობს, რომ "სამწუხარო ფაქტია" ენკას გადაწყვეტილება ნამახვანჰესის აღარ აშენებაზე, ამასთან ამტკიცებს რომ მთავრობა მაინც ყველაფერს გააკეთებს ენერგოდამოუკიდებლობისთვის. 

"ეს იყო კომპანიის მიერ გადადგმული ნაბიჯი. [...] ეს არის ცუდი სიგნალი შემდგომი ინვესტიციებისთვისაც, თუმცა საქართველოს ხელისუფლება გააკეთებს ყველაფერს, რომ ენერგეტიკის მიმართულებით ინვესტიციები გაგრძელდეს და ჩაიდოს დიდი ინვესტიციები. მთავრობას აქვს 10-წლიაი სამოქმედო გეგმა, მათ შორის ენერგეტიკის კუთხით.

ეს არის სამწუხარო გადაწყვეტილება, სამწუხარო ფაქტი, მაგრამ ყველაფერი გაკეთდება, რათა ქვეყნის ენერგოდამოუკიდებლობა სათანადოდ იყოს უზრუნველყოფილი", - ამბობს კობახიძე. 

დღეს, 22 სექტემბერს ცნობილი გახდა, რომ ENKA Renewables ნამახვანჰესის კასკადის აშენებაზე არსებულ ხელშეკრულებას წყვეტს. 

განცხადებაში ნათქვამია, რომ ხელშეკრულების შეწყვეტის მიზეზი მასში გათვალისწინებული პირობების დარღვევა და ფორს-მაჟორია.

 

close დახურვა