logo

კობალაძე შვილის დაკავებაზე: არ გამიზრდია ისე, რომ დანები ატრიალოს

clock 0 clock 368 clock 12 ივლ 202012:01

„ჩემთვის უმთავრესი ისაა, რომ პრინციპში, არ არის მსხვერპლი. გამოჩნდება ყველაფერი და დამნაშავე პასუხს აგებს“, - ამის შესახებ საპარლამენტო უმრავლესობის წევრმა კობა კობალაძემ მისი შვილის დაკავებაზე საუბრისას განაცხადა.

როგორც მან აღნიშნა, საქმესთან დაკავშირებით გამოძიება მიმდინარეობს და შესაბამისი პროცედურების შემდეგ ყველაფერი გაირკვევა.

„აქვს ინტერესი კონკრეტულად გამოძიებას ალბათ მასთან და შესაბამისად, ჩატარდება ის პროცედურები, რაც უნდა ჩატარდეს. ამის მიხედვით გაირკვევა ყველაფერი. სრულწლოვანია, გათავისებული აქვს ყველაფერი. არ გამიზრდია ისე, რომ დანები ატრიალოს და ის... არის ჯანმრთელი ბავშვი, ჯანსაღი ცხოვრების წესით ცხოვრობს“, - განაცხადა კობალაძემ.

შეგახსენებთ, რომ საპარლამენტო უმრავლესობის წევრის, კობა კობალაძის შვილი პოლიციას ჩაბარდა. საქმე ეხება თბილისში 24 ივნისს მომხდარ დაჭრას. თუმცა, პოლიციამ ინციდენტში მონაწილე პირები მხოლოდ მედიაში გასული ანონსის შემდეგ დააკავა.

ასევე წაიკითხეთ
close დახურვა