logo
ENG



ლეგენდარული იტალიელი ფეხბურთელი პაოლო როსი გარდაიცვალა

10 დეკ 202009:48
3 წუთის საკითხავი
clock 1973

ლეგენდარული იტალიელი ფეხბურთელი პაოლო როსი 64 წლის ასაკში გარდაიცვალა. ამის შესახებ ინფორმაციას BBC ავრცელებს. 

ოჯახი პაოლო როსის გარდაცვალების მიზეზს არ ამხელს. თუმცა, იტალიური მედია იუწყება, რომ ფეხბურთელს მძიმე დაავადება ჰქონდა. 

როსი 1982 წლის ესპანეთის მსოფლიო ჩემპიონატის საუკეთესო ფეხბურთელად დასახელდა და იტალიის მუნდიალზე გამარჯვება დიდწილად მისი დამსახურებაა. მან ჩემპიონატზე 6 გოლი გაიტანა და ტურნირის ბომბარდირი გახდა. განსაკუთრებით გამოსაყოფია ჰეთ-თრიკი ბრაზილიასთან, რომელმაც სამხრეთ ამერიკელები მუნდიალს მიღმა დატოვა. ბევრის აზრით, ის ბრაზილიის ნაკრები მსოფლიოს ყველა დროის საუკეთესო გუნდი იყო. 1982 წელს როსიმ ოქროს ბურთიც მოიგო. როსის იტალიის ნაკრებში ჩატარებული 48 მატჩში 20 გოლი აქვს გატანილი.

საკლუბო კარიერის მთავარი წარმატება როსისთვის იუვენტუსს უკავშირდება. ბებერ ქალბატონში ასპარესობისას (1981-1985) როსიმ ჩემპიონთა თასი, ევროპის სუპერთასი, თასების მფლობელთა თასი, ორჯერ იტალიის სერია ა და ორჯერ იტალიის თასი მოიგო. 


close დახურვა