logo
ENG



თელავში მკვლელობისთვის და განზრახ მკვლელობის მცდელობისთვის დაკავებულს ბრალი წარედგინა

23 იან 202119:56
3 წუთის საკითხავი
clock 437
2021/01/23/li6xus8i48mxdru.jpg

პროკურატურამ დამამძიმებელ გარემოებაში ჩადენილი ორი ან მეტი პირის განზრახ მკვლელობის მცდელობისა და განზრახ მკვლელობისთვის დაკავებულ ჯ.ა-ს ბრალი წარუდგინა.

უწყების მიერ გავრცელებულ განცხადებაში ნათქვამია, რომ 2021 წლის 21 იანვარს, თელავის რაიონის სოფელ კასისხევის მიმდებარე ტერიტორიაზე მდებარე საქონლის ფერმაში, შურისძიების მოტივით, ბრალდებულმა დ.ფ-ს და ხ.ე-ს განზრახ მკვლელობა გადაწყვიტა.

ბრალდებულმა დანის გამოყენებით, სიცოცხლისთვის მძიმე დაზიანებები მიაყენა ხ.ე-ს, ხოლო შემდეგ მძიმედ დაჭრა დ.ფ. ჭრილობების შედეგად დ.ფ ადგილზე გარდაიცვალა, ხოლო ხ.ე-მ ჯანმრთელობის მძიმე დაზიანება მიიღო.

სამართალდამცველებმა ბრალდებული 2021 წლის 22 იანვარს დააკავეს. მას ბრალდება დამამძიმებელ გარემოებაში ჩადენილი ორი ან მეტი პირის განზრახ მკვლელობის მცდელობისა და განზრახ მკვლელობისთვის ედება. ბრალდება 16-დან 20 წლამდე ან უვადოდ თავისუფლების აღკვეთას ითვალისწინებს.

პროკურატურამ ბრალდებულისთვის აღკვეთის ღონისძიების სახით პატიმრობის გამოყენების თაობაზე თელავის რაიონულ სასამართლოს უკვე მიმართა.
 


close დახურვა