logo

ქართული ოცნების რამდენიმე დეპუტატს კორონავირუსი დაუდასტურდა

07 აპრ 202116:30
3 წუთის საკითხავი
clock 5493
ქართული ოცნების რამდენიმე დეპუტატს კორონავირუსი დაუდასტურდა

ქართული ოცნების დეპუტატებს: მამუკა მდინარაძეს, ბექა დავითულიანს და მაია მენაღარიშვილს კორონავირუსი დაუდასტურდათ. ინფორმაციას ამის შესახებ ქართული ოცნების პრესსამსახური ავრცელებს. 

ინფიცირებასთან დაკავშირებით მდინარაძე სოციალურ ქსელში წერს და საზოგადოებას რეგულაციების დაცვისკენ მოუწოდებს.

"მეგობრებო, ეს წუთია შემატყობინეს, რომ ჩემი ტესტის პასუხი "კოვიდზე" დადებითია.

ეს ამბავი მხოლოდ ერთმა შეცდომამ განაპირობა, რამდენიმე თვის განმავლობაში ასეთი არ დამიშვია.  მოკლედ, როდესაც ვინმეს ესაუბრებით, ერთი წუთითაც კი არ მოიხსნათ პირბადე, არც ერთი წუთით! ეს არის ჩემი, უკვე პირად გამოცდილებაზე დამყარებული რჩევა. ბოლო დღეებია ირგვლივ ძალიან ბევრი შემთხვევა დაგროვდა, რისკები ძალიან გაიზარდა.

ყველას უმორჩილესად გთხოვთ, ზედმიწევნით დაიცავით რეგულაციები, ყველგან ატარეთ პირბადე, რითაც, გარდა ქვეყნის ეკონომიკისა, მინიმუმ რამდენიმე ასეულ თუ ათასობით ჩვენი მოქალაქის სიცოცხლეს გადაარჩენთ", - წერს მდინარაძე.

close დახურვა