logo
ENG



ზურაბიშვილი: "ოცნებამ" შეიძლება 40%-იც ვერ აიღოს, ამის უზრუნველყოფა ოპოზიციის ხელშია

19 აპრ 202111:20
3 წუთის საკითხავი
clock 817
2021/04/19/nlkvfrbuwjyjnlq.jpg

რესპუბლიკური პარტიის ყოფილი წევრის, დავით ზურაბიშვილის განცხადებით, იმის გათვალიწინებით, რომ პოლიტიკურ ველზე ყოფილი პრემიერის, გიორგი გახარიას პარტია შემოდის, მაღალი ალბათობაა, ქართულმა ოცნებამ არჩევნებში 40%-იც ვერ მიიღოს.

როგორც ზურაბიშვილი Facebook-ის საკუთარ გვერდზე წერს, ერთადერთი, რამაც შეიძლება მმართველ გუნდს "სერიოზული ფორა" მისცეს, ნაციონალური მოძრაობის მიერ შარლ მიშელის ახალი დოკუმენტის ხელმოწერაზე უარის თქმა იქნება. 

"გახარიას პარტიის შემოსვლის ფაქტორს თუ გავითვალისწინებთ, ძალიან მაღალია იმის ალბათობა, რომ 43 კი არა 40 პროცენტიც ვერ აიღოს ოცნებამ თვითმმართველობის არჩევნებში და ამ შედეგის უზრუნველყოფა მთლიანად ოპოზიციური პარტიების ხელშია.

ხელისუფლების მხრიდან ადმინისტრაციული რესურსის, უბნის კოორდინატორების, ზონდერ-შპანას თუ კარტოფილების დარიგების ხარჯზე პროცენტის მომატებას თავისი ზღვარი აქვს. თან ეს არჩევნები უკვე დასავლეთის განსაკუთრებული ყურადღების ქვეშ იქნება, რომ იტყვიან, გამადიდებელი შუშით დააკვირდებიან ყველაფერს.

ერთადერთი, რამაც შეიძლება სერიოზული ფორა მისცეს ხელისუფლებას ამ არჩევნებში, ესაა ნაცმოძრაობის მიერ მიშელის დოკუმენტის ხელმოწერაზე უარის თქმა და ბოიკოტის გაგრძელება", - წერს ზურაბიშვილი.

ევროპული საბჭოს პრეზიდენტი შარლ მიშელი პოლიტიკურ პარტიებს ახალ დოკუმენტს სთავაზობს.

ერთერთი პუნქტის თანახმად, საქართველოს პოლიტიკური სტაბილურობის უზრუნველსაყოფად და შეთანხმების მიღწევისთვის, ხელმომწერებმა შეთანხმების მიღწევიდან 1 კვირის ვადაში უნდა გადადგან ნაბიჯები 2 პოლიტიკურად მოტივირებულ საქმეზე, ამნისტიით და/ან ისეთი ნაბიჯების გადადგმით, რომელიც ეკვივალენტურ შედეგს მოიტანს. კონკრეტულად, შეთანხმების ხელმოწერიდან ერთ კვირაში, პარლამენტში წარმოდგენილმა პარტიამ უნდა მოახდინოს კანონპროექტის ინიცირება, რომლითაც ამნისტია შეეხება 2019 წლის 19-21 ივნისიდან ყველა დარღვევას და საქმეს.

რა წერია მედიატორების შემოთავაზებულ ახალ დოკუმენტში, წაიკითხეთ აქ


close დახურვა