logo
ENG

კიევში სააკაშვილის მხარდამჭერები საქართველოს საელჩოსთან აქციას აწყობენ

13 ოქტ 202115:35
3 წუთის საკითხავი
clock 848
კიევში სააკაშვილის მხარდამჭერები საქართველოს საელჩოსთან აქციას აწყობენ
კადრი ვიდეოდან

კიევში საქართველოს საელჩოსთან მიხეილ სააკაშვილის მხარდამჭერები საპროტესტო აქციებს აწყობენ. ისინი მესამე პრეზიდენტის გათავისუფლებას მოითხოვენ. აქციის მონაწილეები საელჩოს დროშებითა და ბანერებით მივიდნენ. ისინი სკანდირებენ "თავისუფლება მიშას", "თავისუფლება სააკაშვილს".

საქართველოს ყოფილი პრეზიდენტი მიხეილ სააკაშვილი 1-ელ ოქტომბერს, თბილისში დააკავეს. ის მე-13 დღეა ციხეში შიმშილობს.

როგორც ცნობილია, სააკაშვილი საქართველოში დაკავებამდე ოთხი დღით ადრე ჩამოვიდა და რამდენიმე ქალაქში იმყოფებოდა. 

მისმა ადვოკატმა ბექა ბასილაიამ 12 ოქტომბერს განაცხადა, რომ ყოფილი პრეზიდენტის ჯანმრთელობის მდგომარეობა გაუარესდა.
უფლებადამცველებმა ის ციხეში მოინახულეს, გამოსვლის შემდეგ კი თქვეს, რომ სააკაშვილს გადაადგილებასა და მეტყველებასთან დაკავშირებით პრობლემები აქვს, ასევე დაუსივდა ფეხებიც.

close დახურვა