Facebook-ზე გავრცელდა ვიდეო, რომელშიც ჩანს, რომ არასრულწლოვნები თანატოლზე ძალადობენ.
"მითხარი, რა ხარ... მითხარი მეთქი, რა ხარ, კიდე გაიმეორე, თორე დაგარტყამ კიდევ ერთხელ", - ისმის ვიდეოში.
როგორც ცნობილია, ვიდეო ბათუმის ბულვარშია გადაღებული.
სკოლის დირექტორის თქმით, მომხდარზე მოკვლევაა დაწყებული. მიმდინარეობს მოსწავლეებთან და მათ მშობლებთან გასაუბრება.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 151-ე მუხლით დაიწყო, რაც მუქარას გულისხმობს. მათი თქმით, ჩატარდა გამოკითხვები, მათ შორის არასრულწლოვნების.