logo
ENG



28-30 ოქტომბერს ოკუპირებული აფხაზეთიდან გადმოსვლა იზღუდება

28 ოქტ 202112:42
3 წუთის საკითხავი
clock 1042

აფხაზეთის საოკუპაციო რეჟიმმა 28-30 ოქტომბრის ჩათვლით ოკუპირებული აფხაზეთიდან ცენტრალური ხელისუფლების მიერ კონტროლირებადი ტერიტორიის მიმართულებით გადაადგილება უკანონოდ შეიზღუდა. როგორც სახელმწიფო უსაფრთხოების სამსახურში აცხადებენ, შეზღუდვა მოქმედებს ყველასთვის გარდა სამედიცინო საჭიროების მქონე პირებისთვის.

"მსგავსი უკანონო გადაწყვეტილებები ხშირად უკავშირდება სხვადასხვა გამოგონილ მიზეზს. მათ შორის ცენტრალური ხელისუფლების მიერ კონტროლირებად ტერიტორიაზე მიმდინარე არჩევნებთან დაკავშირებით ოკუპირებულ ტერიტორიაზე ე.წ. უსაფრთხოების უზრუნველყოფას.

რუსეთის საოკუპაციო ძალების მსგავსი დამაზიანებელი გადაწყვეტილებები 2021 წლის მუნიციპალური არჩევნების პირველ ტურთან დაკავშირებითაც დაფიქსირდა.

თავისუფალ გადაადგილებაზე დაწესებულ შეზღუდვასთან დაკავშირებით ცენტრალური ხელისუფლების მიერ გააქტიურებულია ცხელი ხაზი და ინფორმირებულია ევროკავშირის სადამკვირვებლო მისია", - აცხადებენ სუს-ში.


close დახურვა