ქუთაისში თვითმმართველი ქალაქის მერის არჩევნების შედეგების 100%-ია დათვლილი.
ცესკოს წინასწარი მონაცემებით, ნაციონალური მოძრაობის კანდიდატს, ხატია დეკანოიძეს ხმების 48.35% ( 32 703 ხმა) აქვს, ხოლო ქართული ოცნების კანდიდატს, იოსებ ხახალეიშვილს - 51.64% (34 925 ხმა).
სულ ქუთაისში 124 საარჩევნო უბანი იყო.
დღეს ადგილობრივი თვითმმართველობის არჩევნების მეორე ტური ჩატარდა.
არჩევნები მმართველი პარტიის წევრების მხრიდან ოპოზიციის წარმომადგენლებზე, კრიტიკული მედიების ჟურნალისტებსა და დამკვირვებლებზე ძალადობის ფონზე წარიმართა.