ხარკივის რეგიონული სამხედრო ადმინისტრაციის ხელმძღვანელის, ოლეგ სინეგუბოვის ცნობით, ბოლო 24 საათის განმავლობაში ხარკივში 3 ადამიანი დაიღუპა, 7 კი დაშავდა.
სინეგუბოვის განცხადებით, ბოლო 24 საათის განმავლობაში ჩრდილო-აღმოსავლეთ ქალაქ ხარკივში რუსული სამხედრო ძალების მხრიდან დაბომბვა გაძლიერდა.
"ღამით, რუსული დარტყმების შედეგად ხარკივის კიევსკის რაიონში, ერთ-ერთი სასწავლო დაწესებულების შენობა მნიშვნელოვნად დაზიანდა," - განაცხადა ხარკივის რეგიონული სამხედრო ადმინისტრაციის ხელმძღვანელმა.
სინეგუბოვის თქმით, ხარკივის დროებით ოკუპირებული ტერიტორიებიდან 993 ადამიანის ევაკუაცია მოხდა, რომელთაგან 254 ბავშვია. ამასთან, ის აღნიშნავს, რომ ევაკუაციისთვის, ჩუჰუივისა და ხარკივის მიმართულებით 30-ზე მეტი ავტობუსი გამოიყენეს.