იჟევსკის 88-ე სკოლაში სროლის შედეგად ცხრა ადამიანი დაიღუპა, მათ შორის ხუთი ბავშვი. ამის შესახებ ინფორმაციას TASS-ი ფედერაციის საგამოძიებო კომიტეტის პრესსამსახურზე დაყრდნობით ავრცელებს.
"წინასწარი მონაცემებით, დანაშაულის მსხვერპლი გახდა ცხრა ადამიანი, მათ შორის საგანმანათლებლო დაწესებულების დაცვის ორი თანამშრომელი და ორი მასწავლებელი, ასევე ხუთი არასრულწლოვანი. არიან დაჭრილებიც." - აცხადებენ საგამოძიებო კომიტეტში.
უდმურტიის შსს-ს პრესსამსახურმა გაავრცელა ინფორმაცია, რომ დაშავებულია 20 ადამიანი. განყოფილებაში ასევე აცხადებენ, რომ თავდამსხმელის ცხედარი იპოვეს, მან თავი მოიკლა.
"პოლიციელებმა იპოვეს მამაკაცის ცხედარი, რომელმაც ცეცხლი გახსნა. გავრცელებული ინფორმაციით, მან თავი მოიკლა."- აცხადებენ პრესსამსახურში.