უკრაინის საჰაერო ძალების სპიკერის, იური იგნატის განცხადებით, ოკუპანტებს იარაღის დეფიციტი ემუქრებათ, უკრაინას კი 50-ზე მეტი ქვეყანა უჭერს მხარს.
იგნატი ამბობს, რომ რუსული ძალები Shahed-ებით ცდილობენ უკრაინის საჰაერო თავდაცვის შესუსტებას, მაგრამ მისი თქმით, ოკუპანტები თავად აგროვებენ იარაღის რეზერვს.
"რუს ოკუპანტებს იარაღის დეფიციტი ემუქრებათ, ხოლო უკრაინას, მიუხედავად იმისა, რომ დასავლელი პარტნიორების იარაღის მიწოდებაზეა დამოკიდებული, 50-ზე მეტი ქვეყანა უჭერს მხარს. ჩვენ ყველა საჰაერო თავდასხმას მოვიგერიებთ. მთავარია, დროულად მივიღოთ დახმარება დასავლეთისგან და დაველოდოთ F-16-ებს, რომლებიც ომის ტალღის მთლიანად შემობრუნებას შეძლებენ", - თქვა უკრაინის საჰაერო ძალების სპიკერმა.
დღეს რუსულმა ძალებმა უკრაინის დედაქალაქზე მორიგი სარაკეტო თავდასხმა განახორციელეს. წინასწარი ინფორმაციით, მტერმა ისკანდერისა და S-300-ის რაკეტები გამოიყენა. 11 საათის შემდეგ კიევში საჰაერო განგაში გამოცხადდა. უკრაინის ოფიციალურმა პირებმა მშვიდობიან მოსახლეობას თავშესაფრებში დარჩენისკენ მოუწოდეს.
დახურვა