თბილისის მერი და მმართველი გუნდის გენერალური მდივანი კახა კალაძე აცხადებს, რომ "ქართული ოცნება" კოალიციის შექმნას არც ერთ პოლიტიკურ ძალასთან არ აპირებს.
კალაძე "ფორმულას" დაკვეთით Edison Research-ის მიერ მომზადებულ კვლევასაც ეხმაურება და მას უნდობლობას უცხადებს. კალაძე მიიჩნევს, რომ მმართველ გუნდს მოსახლეობის დიდი მხარდაჭერა აქვს.
“იცით კვლევებისადმი ჩემი დამოკიდებულება. ამ კონკრეტულ კვლევებში, სადაც “ქართულ ოცნებას” 39% დაუწერეს, სავარაუდოდ, წინა ციფრი შეეშალათ, 3-იანის მაგივრად 5-იანი უნდა ყოფილიყო.
"ქართული ოცნება" არის ერთადერთი ძალა ქვეყანაში ვისაც რეალურად აქვს იმის შანსი, რომ ძალიან დიდი უმრავლესობით მოვიდეს პარლამენტში, ყოველგვარი კოალიციების გარეშე. შეიძლება საკონსტიტუციო უმრავლესობით არა, მაგრამ დიდი უმრავლესობით შეგვიძლია მოსვლა.
2011 წლიდან მოყოლებული შეგიძლიათ ამოიღოთ კვლევების სტატისტიკა და ნახოთ, თუ როგორ მანიპულირებდნენ კონკრეტული კვლევითი ორგანიზაციები საზოგადოებრივ აზრზე, რა შედეგებს დებდნენ, ვის სასარგებლოდ დებდნენ და რა შედეგი იდებოდა არჩევნებში. ქვეყანაში ერთადერთი ძალა, რომელსაც აქვს ხალხის, საზოგადოების ძალიან დიდი მხარდაჭერა, არის პარტია “ქართული ოცნება-დემოკრატიული საქართველო”, - განაცხადა კახა კალაძემ.
ცნობისთვის, Edison Research-ის მიერ ჩატარებული გამოკითხვის შედეგებით, პასუხები კითხვაზე, თუ ვის მისცემდნენ ხმას, საპარლამენტო არჩევნები დღეს რომ ჩატარდეს, პასუხები შემდეგნაირად ნაწილდება: "ქართული ოცნება" - 39%; ერთიანი ნაციონალური მოძრაობა - 16%; ევროპული საქართველო - თავისუფალი დემოკრატები - 5%; მოსახლეობის 20% ამბობს, რომ არ გადაუწყვეტია, ვის მისცემს ხმას.
რაც შეეხება დანარჩენ პარტიებს - ლეიბორისტული პარტია - 3%; ლელო - 3%; ახალი საქართველოსთვის (გიორგი ვაშაძე-სტრატეგია აღმაშენებელი) - 3%; პატრიოტთა ალიანსი - 3%; გირჩი - 2%; მოქალაქეები (ალეკო ელისაშვილი) - 2%; დემოკრატიული მოძრაობა ერთიანი საქართველო (ნინო ბურჯანაძე) - 1%; გამარჯვებული საქართველო (ირაკლი ოქრუაშვილი) - 1%; სამართლიანობისთვის (ეკა ბესელია) - 1%; თავისუფალი საქართველო (კახა კუკავა) - 1%
ამავე თემაზე:
2004-2012 წლებს დადებითად 76% აფასებს, 2012-დან დღემდე - 58% - Edison Research
როგორ აფასებენ ოპოზიციონერ პოლიტიკოსებს - Edison Research
გახარია, კალაძე, ივანიშვილი - როგორ აფასებენ "ოცნების" ლიდერებს - Edison Research
სამგორის მაჟორიტარული ოლქი - რეიტინგები - Edison Research
ისნის მაჟორიტარული ოლქი - რეიტინგები - Edison Research
მთაწმინდა-კრწანისის მაჟორიტარული ოლქი - რეიტინგები - Edison Research
ვაკის მაჟორიტარული ოლქი - რეიტინგები - Edison Research
ნაძალადევის მაჟორიტარული ოლქი - რეიტინგები - Edison Research
გლდანის მაჟორიტარული ოლქი - რეიტინგები - Edison Research
Ბაქრაძე, ვაშაძე, გრ. ვაშაძე - ვინ სურთ ოპოზიციის პრემიერობის კანდიდატად - Edison Research
56%-ის აზრით, ოპოზიციის გამარჯვების შემთხვევაში, მომავალი უკეთესი იქნება - Edison Research
უმეტესობას პარლამენტის მმართველის როლში ახალი პარტიის(ების) ხილვა სურს - Edison Research
Რა დამოკიდებულება აქვს მოსახლეობას პოლიტიკური პარტიების მიმართ - Edison Research
დახურვა