ბოლო 24 საათში კორონავირუსით საქართველოში 8 ადამიანი გარდაიცვალა - მონაცემები stopcov.ge-ზე განახლდა.
ვებ-გვერდზე განახლებული ინფორმაციის თანახმად, გამოვლინდა 490 ახალი შემთხვევა, ვირუსისგან კი გამოჯანმრთელდა 219 პაციენტი.
ახალი შემთხვევები 35 560 ჩატარებული ტესტის შედეგად გამოვლინდა, დადებითობის დღიური მაჩვენებელი არის 1.34%.
დღეის მონაცემებით, საქართველოში დადასტურებულია ინფიცირების 279 936 შემთხვევა, აქედან 271 804 ადამიანი გამოჯანმრთელდა. კორონავირუსს ქვეყანაში 3 746 ადამიანი ემსხვერპლა.
საქართველოში კორონავირუსის პირველი შემთხვევა 2020 წლის 26 თებერვალს დადასტურდა.
ჯანდაცვის მსოფლიო ორგანიზაციამ კორონავირუსი პანდემიად 2020 წლის 11 მარტს გამოაცხადა.