ასეთი გამოწვევა არ ყოფილა მეორე მსოფლიო ომის შემდეგ და ცივი ომის დასრულების შემდეგ. თქვენ აკვირდებით, ადევნებთ თვალ-ყურს, მსოფლიო დგას ბირთვული ომის საშიშროების წინაშეც კი. დაბრუნდა ბირთვული ომის რიტორიკა, რაც ყოვლად დაუშვებელია და ჩვენ ეს კარგად უნდა გვესმოდეს, რამხელა საფრთხეები და რისკები ახლავს ამ ყველაფერს. უკრაინის ტერიტორიის 20% დღეს პოლიგონად არის გადაქცეული, კარგად ვხედავთ რაც ხდება. ამ ომის გამჩერებელი არავინ არ არის, ასეთ ვითარებაში უპასუხისმგებლო ქმედება არის ღალატის ტოლფასი, ნებისმიერი სახელმწიფოს მხრიდან.
თქვა პრემიერმინისტრმა ირაკლი ღარიბაშვილმა პარლამენტის პლენარულ სხდომაზე სიტყვით გამოსვლისას.