logo

სულ მოიძებნა 721 შედეგი
search
ირაკლი კობახიძე
uploads/news/კალაძე-კობახიძე.jpg
ქართული ოცნების თავმჯდომარე ირაკლი კობახიძე ამბობს, რომ "არიან ადამიანები, რომლებზეც შეგიძლია თავი დადო და ასეთი არის კახი კალაძე".  როგორც კობახიძემ მთავარი არხის ეთერში განაცხადა, მას ერთი ფაქტიც არ ახსენდება, რომ კახა კალაძესთან რომელიმე საკითხზე სხვადასხვა პოზიცია ჰქონოდა.  "არიან ადამიანები, რომლებზეც შეგიძლია თავი დადო და ასეთი არის კახი კალაძე. პირადად მასთან მაქვს ურთიერთობა, ჩვენ პრაქტიკულად ტანდემში ვმუშაობდით ორი კაცი. 2014 წლის ბოლოს, როცა გავხდი აღმასრულებელი მდივანი, 2 წელი ერთად ვმუშაობდით, 2016 წლის საპარლამენტო არჩევნებამდე, შემდეგ გაგრძელდა ეს ერთობლივი სამუშაო პროცესი. მუდმივად ამ რეჟიმში ვმუშაობთ და ერთი ფაქტიც არ მახსენდება იმის, რომ ჩვენ სხვადასხვა პოზიცია გვქონოდეს გარკვეულ საკითხთან დაკავშირებით, ერთი მარტივი მიზეზის გამო - კახი კალაძე ყოველთვის საქმიდან და ობიექტური ინტერესებიდან გამომდინარე ქვეყნის და გუნდის ობიექტური ინტერესებიდან გამომდინარე იღებს გადაწყვეტილებებს და დგამს ნაბიჯებს. ეს არის ისეთი გამოცდილება, 7-წლიანი გამოცდილება, რომელიც სრული სიმყარის გარანტიას იძლევა როდესაც ადამიანს აფასებ", - განაცხადა ირაკლი კობახიძემ.  შეგახსენებთ, რომ 5 აპრილს ფორმულამ გაავრცელა ინფორმაცია, რომლის თანახმადაც, პარტიის დატოვებას თბილისის მოქმედი მერი კახა კალაძე აპირებს. ჩვენი ცნობით, მერი არამხოლოდ პარტიიდან, არამედ პოლიტიკიდანაც მიდის. არსებული ინფორმაციით, კალაძემ, შესაძლოა, დატოვოს ქვეყანაც და საცხოვრებლად მილანში დაბრუნდეს, თუმცა კალაძე ამ ინფორმაციას არ ადასტურებს და ამბობს, რომ პოლიტიკიდან წასვლას არ აპირებს.  აღსანიშნავია, რომ საკადრო ცვლილებებთან დაკავშირებით ფორმულას მიერ გავრცელებული არა ერთი ინფორმაცია გამართლდა, მათ შორის ფინანსთა მინისტრის ივანე მაჭავარიანის გადადგომის, გიორგი გახარიას თანამდებობის დატოვების და თავად ბიძინა ივანიშვილის პოლიტიკიდან წასვლის შესახებ.   
15 ივნ 202100:08
uploads/news/ირაკლი_კობახიძე_15.jpg
ქართული ოცნების თავმჯდომარე ირაკლი კობახიძე ამბობს, რომ 2019 წლის 20 ივნისის მოვლენების შემდეგ, გიორგი გახარიას შს მინისტრის თანამდებობიდან გადაყენების მოსაზრება გუნდში არსებობდა, თუმცა მოგვიანებით "გადაწყვეტილება შეიცვალა".  როგორც კობახიძემ მთავარი არხის ეთერში განაცხადა, გახარიას გადაყენების გადაწყვეტილებაზე გარე ფაქტორმა იმოქმედა, მაგრამ რა გარე ფაქტორზეა საუბარი მან არ დააკონკრეტა.  "ჩვენ მაქსიმალურად ვამაგრებდით გახარიას, როგორც ჯერ შს მინისტრს და მერე პრემიერმინისტრს. გახსოვთ, რომ ჰქონდა ძალიან მძიმე მდგომარეობა, განსაკუთრებით 20 ივნისის შემდეგ და გუნდმა ყველაფერი გააკეთა იმისთვის, რომ იმიჯი რადიკალურად შემოტრიალებულიყო. ეს არ იყო მარტო საჯარო განცხადებები, არამედ გუნდის შიგნითაც... 20 ივნისის შემდეგ, უახლოეს პერიოდში, იყო ასეთი მოსაზრება, და არა ერთი ლიდერი საუბრობდა ამასთან დაკავშირებით, რომ უმჯობესი იყო გახარიას დაეტოვებინა შს მინისტრის თანამდებობა, ეს საკითხი მომწიფებულიც კი იყო რაღაც მომენტში, თუმცა შემდეგ შეცვალა ეს გადაწყვეტილება. რაღაცამ შეცვალა, არა ვიღაცამ, რამ შეცვალა - ამას ვერ ვიტყვი, თუმცა ალბათ ამის დროც გარკვეულ მომენტში დადგება. იყო რაღაც გარე ფაქტორი, რომელიც მასთან იყო დაკავშირებული", - განაცხადა ირაკლი კობახიძემ.  გიორგი გახარიამ პრემიერის თანამდებობა 2021 წლის 18 თებერვალს დატოვა - მისი განმარტებით, მიზეზი ნიკა მელიას დაკავების საკითხზე მმართველ გუნდთან აზრთა სხვადასხვაობა იყო. 22 მაისს, ქართული ოცნების თავმჯდომარე ირაკლი კობახიძემ თქვა, რომ "გიორგი გახარიამ 17-18 თებერვალს საკუთარ გუნდს ზურგში დანა დაარტყა".  
14 ივნ 202122:35
uploads/news/კობახიძე.JPG
ქართული ოცნების თავმჯდომარე ირაკლი კობახიძე ერთიან ნაციონალურ მოძრაობას კვლავ ემუქრება და ამბობს, რომ თუ ისინი შარლ მიშელის დოკუმენტს ხელს არ მოაწერენ, ამას მმართველი გუნდის მხრიდან "მკაცრი რეაგირება" მოჰყვება. კობახიძის თქმით, ენმ ვერ ისარგებლებს მიშელის დოკუმენტთან დაკავშირებული პრივილეგიებით, მათ შორის, ვერ ჩაერთვება სამუშაო ფორმატებში. "დოკუმენტის ხელმოწერის გარეშე მათ პარლამენტში შემოსვლას არავითარი ფასი არ აქვს, არც ფორმალური არც არაფორმალური. მათ მოუწევთ აუცილებლად მიშელის დოკუმენტზე ხელის მოწერა, ამას ხაზგასმით ვამბობ. წინააღმდეგ შემთხვევაში ჩვენი მხრიდან რეაგირება იქნება მკაცრი... თუ ხელს არ მოაწერენ მიშელის დოკუმენტს, ამ დოკუმენტიდან გამომდინარე პრივილეგიებით ბუნებრივია, ვერ ისარგებლებენ. მათ შორის ვერ ჩაერთვებიან სამუშაო ფორმატებში, რომელიც უკავშირდება მიშელის დოკუმენტის აღსრულებას", - თქვა ირაკლი კობახიძემ.  ნაციონალურმა მოძრაობამ პარლამენტში შესვლის შესახებ გადაწყვეტილება 30 მაისს მიიღო. პარტიის თავმჯდომარე ნიკა მელიამ განაცხადა, რომ პოლიტსაბჭოს გადაწყვეტილებით, პარტია ხელს არ მოაწერს შარლ მიშელის შემოთავაზებულ დოკუმენტს, ვინაიდან მათთვის 2019 წლის 20 ივნისის ამნისტიის შესახებ ჩანაწერი კატეგორიულად მიუღებელია.  საპასუხოდ ქართული ოცნების თავმჯდომარემ განაცხადა, რომ თუ ნაციონალური მოძრაობა შარლ მიშელის დოკუმენტს ხელს არ მოაწერს, ვერც დოკუმენტით გათვალისწინებულ სამუშაო ჯგუფების მუშაობაში ჩაერთვება და ვერც - "პრივილეგიებით" ისარგებლებს, რომელსაც ოპოზიციას შეთანხმება ანიჭებს. დოკუმენტის ფარგლებში, პარლამენტში შექმნილია სამუშაო ჯგუფები სასამართლო და საარჩევნო რეფორმაზე. რაც შეეხება "პრივილეგიებს", რომელზეც კობახიძე საუბრობს - დოკუმენტის მიხედვით, 5 კომიტეტის თავმჯდომარის პოსტი ოპოზიციონერმა დეპუტატმა უნდა დაიკავოს. ვინ გახდა პარლამენტის დეპუტატი ენმ-ის გადაწყვეტილების შემდეგ, ნახეთ აქ  
08 ივნ 202112:36
შედეგის გაფილტრვა
გასუფთავება
close დახურვა