ევროკავშირისა და შეერთებული შტატების კოორდინირებული სანქციების შემდეგ, კრემლი დასავლეთს სამაგიეროს გადახდით ემუქრება. მოსკოვში აცხადებენ, რომ სანქციები ურთიერთობებზე მხოლოდ დესტრუქციულ გავლენას მოახდენს. ალექსეი ნავალნის მოწამვლის გამო შეერთებულმა შტატებმა შავ სიაში 7 მაღალჩინოსანი და 14 კომპანია შეიყვანა. გადაწყვეტილება რუსეთის მიმართ ამერიკის ახალი ადმინისტრაციის შეცვლილი პოლიტიკის პირველი მტკიცებულება გახდა.