საოკუპაციო რეჟიმის მიერ უკანონოდ დაკავებული ზაზა გახელაძის გათავისუფლების საკითხზე ერგნეთში კონკრეტული ვერაფერი გადაწყდა. ბუნდოვანია სახელმწიფო უსაფრთხოების სამსახურის განცხადებაც. უწყების წარმომადგენელი ამბობს, რომ გარკვეული ცვლილებები არის, თუმცა - რა სახის - არ დაუკონკრეტებია. ამის პარალელურად იწურება ოჯახის ულტიმატუმი სახელმწიფოს მიმართ, რომელიც პატრიარქის თხოვნით, ერთი თვით გადაავადა. თუ 23 ივლისამდე ზაზა გახელაძე არ გათავისუფლედება, ოჯახის წევრები რადიკალურ ზომებს მიმართვენ და შესაძლოა ოკუპირებულ ტერიტორიაზეც გადავიდნენ.