სამეგრელოს მოსახლეობა თხილის უხარისხო მოსავალსა და დაბალ ფასს უჩივის. ადგილობრივები ამბობენ, რომ კლიმატური პირობების გარდა თხილის მოსავალს მავნებელი ფაროსანაც აზიანებს, ძვირადღირებული, მაგრამ უხარისხო პესტიციდებით კი მოსავლის ხარისხის შენარჩუნება და დანაკარგის ანაზღაურება ვერ ხერხდება. მოსახლეობა ამბობს, რომ შესაწამლი მასალის ხარისხს სახელმწიფო სათანადოდ არ აკონტროლებს, რის გამოც ფერმერები ზარალდებიან.