ჩვენს მთავრობასთან მიმართებაში ამერიკელები უფრო აქტიურობენ. რაზეც ის ფაქტიც მეტყველებს, რომ ბოლო დღეებში დავით ზალკანიანს და ამერიკის სახელმწიფო მდივნის მოადგილეს და თანაშემწეს შორის კომუნიკაცია 3-ჯერ შედგა. 29 დეკემბერს ზალკანიანი ამერიკის საელჩოს სტუმრობდა, საიდანაც ვაშინგტონთან მორიგი კომუნიკაციაც შედგა და მოგვიანებით აქედანვე ჩვენი საგარეო საქმეთა მინისტრის და კელი დეგნანის ერთ ფონზე ჩაწერილი მნიშვნელოვანი მიმართვებიც გავრცელდა. რაც აშკარად იმაზე მეტყველებს, რომ ამერიკელები კიდევ უფრო მეტ ინიციატივას იღებენ საქართველოს მთავრობასთან ურთიერთობაში.