Ქართული ოცნება - დემოკრატიული საქართველო 2012 წლის 1 ოქტომბრიდან მოყოლებული ხელისუფლებაშია. Პარტიის დამფუძნებელი და თავმჯდომარე მილიარდერი ბიძინა ივანიშვილია.
2012 წელს ხელისუფლებაში კოალიციურ პარტნიორებთან ერთად მოსული სახელისუფლებო პარტია 2020 წლის არჩევნებზე დამოუკიდებელ სუბიექტად იყრის კენჭს.
2016 წლის საპარლამენტო არჩევნებში მიღებული 48,6%-იანი (856 638 ხმა) მხარდაჭერის შემდეგ, 2018 წლის საპრეზიდენტო არჩევნებზე ხელისუფლების მიერ მხარდაჭერილმა კანდიდატმა სალომე ზურაბიშვილმა 1-ელ ტურში 38,6%-იანი (615 572 ხმა) მხარდაჭერა მიიღო.
Edison Research-ის ბოლო კვლევის მიხედვით, ქართულ ოცნებას მოსახლეობის 38% უჭერს მხარს.
იხ. პროგრამა
Ოპოზიციურ პარტიათა ბლოკი “ძალა ერთობაშია” 2018 წლის 15 ივნისს, საპრეზიდენტო არჩევნებისთვის ჩამოყალიბდა.
Ბლოკის წამყვანი პოლიტიკური ძალა - ერთიანი ნაციონალური მოძრაობაა.
Დღეის მდგომარეობით, Ბლოკში შემავალი სუბიექტები არიან: ენმ, მოძრაობა - სახელმწიფო ხალხისთვის, პროგრესი და თავისუფლება (კახა ოქრიაშვილი, ცეზარ ჩოჩელი), საქართველოს რესპუბლიკური პარტია და ევროპელი დემოკრატები.
Edison Research-ის ბოლო კვლევით, ენმ - გაერთიანებულ ოპოზიციას მოსახლეობის 15% უჭერს მხარს.
იხ. პროგრამა
ევროპული საქართველო - მოძრაობა თავისუფლებისთვის 2017 წლის 30 იანვარს დაფუძნდა. 12 იანვარს პარტიის ლიდერები ოფიციალურად გამოეყვნენ ნაციონალურ მოძრაობას.
2018 წლის საპრეზიდენტო არჩევნებზე ევროპული საქართველოს კანდიდატმა დავით ბაქრაძემ 11%-იანი (174 849 ხმა) მხარდაჭერა მოიპოვა.
2020 წლის არჩევნებზე პარტიის მთავარი სლოგანია: “შენი კომპასი გარდამტეხი ცვლილებებისთვის”.
Edison Research-ის ბოლო კვლევით პარტიას მოსახლეობის 6% უჭერს მხარს.
იხ. პროგრამა
Სტრატეგია აღმაშენებელი 2 პოლიტიკურ სუბიექტს აერთიანებს: გიორგი ვაშაძის “ახალი საქართველო” და თაკო ჩარკვიანის “კანონი და სამართალი”.
Პოლიტიკური პლატფორმის პრეზენტაცია 2020 წლის 30 ივლისს შედგა. Საპარლამენტო არჩევნებზე პლატფორმამ პრემიერ-მინისტრობის კანდიდატად გიორგი ვაშაძე გამოაცხადა.
2016 წლის 5 მაისს ნაციონალური მოძრაობის დატოვების შემდეგ Იუსტიციის ყოფილმა მინისტრმა გიორგი ვაშაძემ 5 ივნისს პოლიტიკური პლატფორმა “ახალი საქართველოსთვის” დააფუძნა. Edison Research-ის ბოლო კვლევის მიხედვით, “სტრატეგია აღმაშენებელს” მოსახლეობის 4% უჭერს მხარს.
იხ. პროგრამა
1996 წელს დაარსებული საქართველოს ლეიბორისტული პარტია აქამდე ხელისუფლებაში არასოდეს ყოფილა.
Პარტიის ლიდერმა შალვა ნათელაშვილმა 2018 წლის საპრეზიდენტო არჩევნებში 3,8%-იანი მხარდაჭერა მოიპოვა.
Პარტიამ 2008 წლის საპარლამენტო არჩევნებში 7,5%-იანი (132 092 ხმა) მხარდაჭერით ბარიერი გადალახა, თუმცა სხვა ოპოზიციური პარტიების მსგავსად პარლამენტში შესვლაზე უარი განაცხადა. Პარტიის წევრებმა მანდატები დახიეს.
Edison Research-ის ბოლო კვლევის მიხედვით ლეიბორისტულ პარტიას მოსახლეობის 3% უჭერს მხარს.
იხ. პროგრამა
დახურვა
გამოწერა
