ავსტრიამ ცხინვალის საოკუპაციო რეჟიმის ე.წ. საგარეო საქმეთა მინისტრს, დიმიტრი მედოევს საერთაშორისო სემინარზე დასწრებაზე უარი უთხრა. სემინარის ორგანიზატორი ავსტრიის ეროვნული თავდაცვის აკადემიაა, განხილვის ერთ-ერთ თემა კი ოკუპირებული სამხრეთ ოსეთი და აფხაზეთიცაა.
ორგანიზატორებმა დიმიტრი მედოევს მიწვევაზე უარი "უსაფრთხოების საკითხების გამო" უთხრეს. საოკუპაციო რეჟიმის წამორმადგენელი ღონისძიებაზე მოხსენებით გამოსვლას გეგმავდა, თემაზე "სამხრეთ ოსეთი: ისტორია და თანამედროვე რეალობა."
ოთხდღიანი ღონისძიება, სადაც სამხრეთ-აღმოსავლეთ ევროპაში რეგიონული სტაბილურობის საკითხებს განიხილავენ, ქალაქ რაიხენაუში მიმდინარეობს.
დახურვა