პარლამენტში ომბუდსმენს და იუსტიციის მინისტრს მოუსმენენ
პარლამენტში ადამიანის უფლებათა დაცვის კომიტეტზე სახალხო დამცველს და იუსტიციის მინისტრს მოუსმენენ. ნინო ლომჯარია დეპუტატებს N2, N8, N14 და N15 პენიტენციურ დაწესებულებებში სახალხო დამცველის სპეციალური პრევენციული ჯგუფის მიერ განხორციელებული მონიტორინგის შედეგებზე მომზადებულ სპეციალურ ანგარიშს წარუდგენს.
როგორც ადამიანის უფლებათა დაცვის კომიტეტის თავმჯდომარემ, სოფო კილაძემ ჟურნალისტებთან განაცხადა, მნიშვნელოვანია, რომ არასამთავრობო სექტორის ბრალდებებს და იმ საკითხებს," რაზეც ომბუდსმენი აპელირებს", პასუხი გაეცეს.
"მოსმენა მოითხოვა სახალხო დამცველმა და ასევე, პენიტენციურ სისტემასთან დაკავშირებით თეა წულუკიანმა. ჩვენ ორივე მათგანის მოთხოვნა დავაკმაყოფილეთ “ - განაცხადა სოფო კილაძემ.
ვახტანგ რობაქიძე ექსპერტიზის ბიუროში მივა
დეპუტატ ანრი ოხანაშვილის საქმეზე ბრალდებული ვახტანგ რობაქიძე სამხარაულის ექსპერტიზის ეროვნულ ბიუროში მივა.
სახელმწიფო ინსპექტორის სამსახურმა დეპუტატ ანრი ოხანაშვილის საქმეზე ბრალდებული პირის ვახტანგ რობაქიძის მიმართ სამართალდამცავების მიერ შესაძლო ზეწოლის ფაქტზე გამოძიება დაიწყო.
რამდენიმე დღის წინ, ვახტანგ რობაქიძესა და ოხანაშვილს შორის სიტყვიერი დაპირისპირება მოხდა. რობაქიძე სამართალდამცავებმა ადმინისტრაციულ სამართალდარღვევათა კოდექსის 173-ე მუხლით დააკავეს, რაც პოლიციისადმი დაუმორჩილებლობას გულისხმობს. ვახტანგ რობაქიძეს ახალციხის რაიონულმა სასამართლომ აღკვეთი ღონისძიების სახით 7 000-ლარიანი გირაო შეუფარდა.
განცხადებები და ბრიფინგები:
· „ევროპული საქართველოს“ პარტიის ოფისში ზურაბ ჭიაბერაშვილი, ვადაგასულ მედიკამენტებთან დაკავშირებით ბრიფინგი გაიმართება.
· საფინანსო საკითხების ექსპერტი, პროფესორი გიორგი ცუცქირიძე, კონგრესმენ მარკუეინ მალინის წერილისა და კომპანია „ფრონტერას“ საქართველოში საქმიანობის შესახებ განცხადებას გააკეთებს.
· „ქართულ-ამერიკული რესპუბლიკური ალიანსის” საქართველოში წარმომადგენლობის ხელმძღვანელი ირაკლი შიხიაშვილი, კონგრესმენ მარკუეინ მალინის წერილის შესახებ განცხადებას გააკეთებს.
· ანა დოლიძე და „აზარტული თამაშების წინააღმდეგ“ კამპანიის წარმომადგენლები სახელმწიფო კანცელარიასთან ბრიფინგს გამართავენ.
· რაგბის კლუბ „ლოკომოტივის“ პრეზიდენტი, რაგბის კავშირში არსებული რეალობის შესახებ განცხადებას გააკეთებს.
შეხვედრა დიპლომატიური კორპუსის წარმოამდგენლებთან
საქართველოს პარლამენტში თინა ბოკუჩავა, ზურაბ ბუდაღაშვილისა და ბესიკ თამლიანის დედებთან ერთად, დიპლომატიური კორპუსის წარმომადგენლებს შეხვდება. ზურაბ ბუდაღაშვილი და ბესიკ თამლიანი, 20 ივნისის აქციის დროს, სამართალდამცავებმა დააკავეს.
სასამართლო თემები:
· თბილისის საქალაქო სასამართლოში ხორავას ქუჩაზე სავით სარალიძის მკვლელობის ბრალდებით დაკავებული მიხეილ კალანდიას სასამართლო პროცესი გაიმართება.
· თბილისის საქალაქო სასამართლოში არასრულწლოვანთა პორნოგრაფიისა და ტრეფიკინგის საქმეზე დაკავებული პირების სასამართლო პროცესი გაიმართება.
· თბილისის საქალაქო სასამართლოში, „ლეიბორისტული პარტიის“ ერთ-ერთი ლიდერი ლაშა ჩხარტშივლი, ადვოკატებთან ერთად მის პოლიტიკური ნიშნით დევნასთან დაკავშირებით სააპელაციო საჩივარს პერფორმანსის ფონზე შეიტანს.
ერაყში საპროტესტო აქციები განახლდა, დაღუპულია ექვსი ადამიანი
ერაყში, ბაღდადსა და ქვეყნის სხვა ქალაქებში განახლებული ანტი-სამთავრობო საპროტესტო აქციების დროს პოლიციასა და მომიტინგეებს შორის შეტაკებები მოხდა. დაღუპულია აქციის 4 მონაწილე და 2 პოლიციელი, რამდენიმე ადამიანი კი - დაჭრილია.
აქციის მონაწილეები აცხადებენ, რომ პრემიერ მინისტრმა ადელ აბდულ მაჰდიმ დანაპირები არ შეასრულა და ერაყელებისთვის მისაღები ახალი მთავრობა არ წარადგინა.
შეგახსენებთ, მასობრივი ანტი-სამთავრობო საპროტესტო აქციები ერაყში 1-ელი ოქტომბრიდან დაიწყო. აქციებს დღემდე 450 -ზე მეტი ადამიანის სიცოცხლე შეეწირა.
დახურვა