აშშ-ის სენატმა დიდი უმრავლესობით (86 მომხრე, 11 წინააღმდეგი) მიიღო კანონპროექტი „Lindsey O. Graham Sanctioning Russia and Iran Act of 2026“, რომელიც რუსეთისა და ირანის წინააღმდეგ სანქციების მნიშვნელოვან გაფართოებას ითვალისწინებს. დოკუმენტს სახელი გარდაცვლილი რესპუბლიკელი სენატორის, ლინდსი გრემის პატივსაცემად ეწოდა.
კანონპროექტი ითვალისწინებს პირველად და მეორად სანქციებს იმ პირებისა და ორგანიზაციების წინააღმდეგ, რომლებიც კრემლს უკრაინაში ომის დაფინანსებაში ეხმარებიან. შეზღუდვები შეეხება რუს ჩინოვნიკებს, ბიზნესმენებს, მათ ოჯახის წევრებს, საფინანსო სექტორს და რუსეთის „ჩრდილოვანი ფლოტის“ ხომალდებს.
გარდა ამისა, დოკუმენტი აშშ-ის პრეზიდენტს ანიჭებს უფლებამოსილებას, 100%-მდე ტარიფები დააწესოს იმ ქვეყნების საქონელზე, რომლებიც რუსული ენერგომატარებლების (მათ შორის ჩინეთისა და ინდოეთის) უმსხვილესი მყიდველები არიან ან მოსკოვს სანქციების გვერდის ავლაში ეხმარებიან. კანონპროექტი ასევე აფართოებს საპრეზიდენტო უფლებამოსილებებს ირანის ენერგეტიკისა და იარაღის სექტორების წინააღმდეგ.
საბოლოო ძალაში შესვლისთვის კანონპროექტი წარმომადგენელთა პალატამ უნდა დაამტკიცოს (საზაფხულო არდადეგების დასრულების შემდეგ), რის შემდეგაც ის ხელმოსაწერად პრეზიდენტ დონალდ ტრამპს გადაეცემა.
დახურვა