გაძვირებული ცხოვრება სტუდენტებისთვის

მშობლები და აბიტურიენტები მილოცვებს იღებენ, ინფორმაცია უმაღლეს სასწავლებლებში ჩარიცხვის შესახებ დღეს გახდა ცნობილი. რა პრობლემები დახვდებათ ახლად ჩარიცხულ და საზაფხულო არდადეგებიდან დაბრუნებულ სტუდენტებს. ფორმულას დაუკავშირდნენ ახალგაზრდები, რომლებიც ჰყვებიან, რომ ქირის გაძვირებისა და სტუდენტურ საცხოვრებელში ადგილების დეფიციტის გამო, იძულებული გახდნენ, სწავლაზე უარი ეთქვათ. ნაწილი ჯერ ამ მძიმე გადაწყვეტილებამდე არ მისულა, მაგრამ გვიყვება, რომ რეგიონებიდან სასწავლებლად ჩამოსული ახალგაზრდებისთვის თავის გატანა სულ უფრო შეუძლებელი ხდება.