ყოფილი პრემიერმინისტრი და პარტია საქართველოსთვის ლიდერი გიორგი გახარია ამბობს, რომ ბიძინა ივანიშვილს აშშ-ში საქართველოს მთავრობის ერთ-ერთი წარმომადგენელი "პერსონალურ შიკრიკად" ჰყავს გაგზავნილი.
გიორგი გახარია კონკრეტულად არ ასახელებს, ვინ არის ეს პირი, თუმცა ამბობს, რომ წარმომადგენელი პოლიტიკური, ძალოვანი ფიგურაა.
"ჩვენი ხელისუფლება აქ რომ პოზებში დგას, რომ ჩვენი სუვერენიტეტი და სხვისი აზრი არ გვაინტერესებსო, სინამდვილეში, ისეთი შეშინებულები არიან, შიკრიკს შიკრიკზე აგზავნიან, იქნებ როგორმე გაიგონ მაინც, იქ რა ხდება. [...] ბიძინა ივანიშვილს ჰყავს გაგზავნილი საქართველოს მთავრობის ერთ-ერთი წარმომადგენელი თავის პერსონალურ შიკრიკად, გაგზავნილი ჰყავს იქ და სჯობდა, რომ არ გაეგზავნა.
ეს კიდევ ერთი მაგალითია იმის, თუ როგორ არ ესმით დღევანდელ ხელისუფლებას, როგორ ფუნქციონირებს ინსტიტუციური დემოკრატია. მათ მართლა ჰგონიათ, რომ ტრამპი, დემოკრატები იქნებიან თუ რესპუბლიკელები, ეს გრძელვადიან და საშუალოვადიან ამერიკულ სტრატეგიაზე საქართველოსთან მიმართებაში, რაიმეს რადიკალურად შეცვლის - ეს ერთი. ეს ჰგონიათ და კიდევ ჰგონიათ, რომ პოლიტიკად გაწეული ე.წ. საპატიო თავმჯდომარე ქვეყნის ერთ-ერთ მთავარ პოლიტიკურ, ნუ, ძალოვან ფიგურას რომ აგზავნის შიკრიკად, თავის ფოსტალიონად უცხო ქვეყანაში, ეს ჰგონია ან სწორად, ან თავისი უძლეველობის წარმომსახველად, საოცარია", - ამბობს გიორგი გახარია.
დახურვა