დაპაუზებული მოლაპარაკებები და ფასილიტატორების პოზიცია

პარლამენტი დაპირისპირებულ მხარეებს შორის დაპაუზებული მოლაპარაკებების ფონზე შეიკრიბა. დღევანდელ სხდომას ესწრებოდნენ ის ელჩებიც, რომლებიც პოლიტიკური კრიზისის დაძლევაში მმართველ პარტიასა და ოპოზიციას შუამდგომლობენ. ხელახალი არჩევნების დანიშვნაზე საუბარი ამერიკის ელჩს არ სურს, თუმცა ამერიკის შეერთებული შტატების მსგავსად, ევროკავშირის საელჩოც დიალოგის გაგრძელების მზადყოფნას გამოთქვამს და შეჩერებული პროცესის გამო წუხს.