ნაძალადევში დედისა და ბებიის მკვლელობაში ბრალდებული 19 წლის ბიჭი კუკიას პოლიციაში გამოკითხვაზე იმყოფება. შემთხვევა გამთენიისას მოხდა, შვილმა მძინარე დედა და ბებია ნაჯახით მოკლა. შინაგან საქმეთა სამინისტროს ინფორმაციით, მომხდარს წინ კონფლიქტი უძღვოდა. როგორც მოკლულის მეზობლელი აცხადებენ ოჯახი მაზნიაშვილის ქუჩაზე 7 წელია ცხოვრობს, სახლის მეპატრონემ მათ ბინა მძიმე სოციალური პირობების გამო უსასყიდლოდ გადასცა, თავად კი ამერიკაში იმყოფება. ასევე, მეზობლების ინფორმაციით, მკვლელობაში ბრალდებულმა დანაშაულის შესხებ სამართალდამცველებს თავად შეატყობინა.
პოლიციამ დამნაშავე შემთხვევის ადგილზე დააკავა და დანაშაულის ჩადენის იარაღი ნივთმტკიცებად ამოიღო. საქმეზე დაწყებულია გამოძიება, ბრალდებულს, ორი ან მეტი პირზე ჩადენილ განზრახ მკვლელობას ედავებიან, დანაშაული 16-დან 20 წლამდე ვადით ან უვადოდ თავისუფლების აღკვეთას ითვალისწინებს.
დახურვა