საქართველოს ეროვნულ ლიგაში მეხუთე ტურის დასრულების შემდეგ სადისციპლინო და საფეხბურთო დავების განმხილველი კომიტეტის სხდომა გაიმართა. სხდომაზე განიხილეს მეხუთე ტურში მომხდარი რამდენიმე ინციდენტი, რომლის შედეგებსაც ეროვნული ლიგის ოფიციალური ვებ-გვერდი აქვეყნებს.
“საბურთალოსა” და “თელავს” და ასევე “ტორპედოსა” და “დინამო თბილისს” შორის გამართული შეხვედრის რამდენიმე ეპიზოდში, დისციპლინის წესების დარღვევის გამო, გიორგი ქიმაძე, გიორგი კოხრეიძე და თორნიკე გაფრინდაშვილი რამდენიმემატჩიანი დისკვალიფიკაციით და ფულადი ჯარიმით დისაჯნენ.
“პირველი შემთხვევა, რომელზეც სხდომის მიმდინარეობისას იმსჯელეს, “საბურთალო” – “თელავის” მატჩის 75-ე წუთზე მომხდარი ინციდენტი გახლდათ. კომიტეტის წევრების გადაწყვეტილებით, მატჩის ვიდეო-ჩანაწერის ანალიზის შემდეგ არასპორტული საქციელის (შეფურთხება) გამო, სფფ-ის სადისციპლინო კოდექსის 98-ე მუხლის მე-10 პუნქტის შესაბამისად, კლუბ საბურთალოს ფეხბურთელს გიორგი კოხრეიძეს ოთხმატჩიანი დისკვალიფიკაცია და 2 ათას ლარიანი ფულადი ჯარიმა განესაზღვრა.
ამას გარდა, სხდომაზე “ტორპედო” – “დინამო თბილისის” 68-ე წუთზე მომხდარი ინციდენტი განიხილეს. თბილისის დინამოს ფეხბურთელ გიორგი ქიმაძეს მეტოქის სიტყვიერი შეურაცხყოფისა და არასპორტული საქციელისთვის (შეფურთხება) სფფ-ის სადისციპლინო კოდექსის 98-ე მუხლის მე-10 და მე-11 პუნქტების მიხედვით, 5-მატჩიანი დისკვალიფიკაცია და ფულადი ჯარიმა 2400 ლარის ოდენობით განესაზღვრა. ხოლო ქუთაისის ტორპედოს ფეხბურთელს თორნიკე გრიგალაშვილს მეტოქის სიტყვიერი შეურაცხყოფისთვის ამავე კოდექსის 98-ე მუხლის მე-11 პუნქტის მიხედვით, ორმატჩიანი დისკვალიფიკაცია და ფულადი ჯარიმა 400 ლარის ოდენობით დაეკისრა”. – წერია Eliga.-ს განცხადებაში.
დახურვა