დონეცკის სასამართლომ უკრაინის შეიარაღებული ძალების რიგებში მებრძოლი საქართველოს მოქალაქე ბაჩო ნონაშვილი დაუსწრებლად დამნაშავედ ცნო და 14 წლით თავისუფლების აღკვეთა მიუსაჯა. ინფორმაციას რუსეთის ფედერაციის საგამოძიებო კომიტეტი ავრცელებს.
უწყების ცნობით, სასამართლოს გადაწყვეტილებით, ნონაშვილს სასჯელის მოხდა მკაცრი რეჟიმის სასჯელაღსრულების კოლონიაში განესაზღვრა.
რუსეთის საგამოძიებო კომიტეტის განცხადებით, ბაჩო ნონაშვილი 2023 წლის ზაფხულში შეუერთდა სამხედრო ფორმირებას „შავი არწივი“, გაიარა შესაბამისი სამხედრო მომზადება და მონაწილეობდა საბრძოლო მოქმედებებში რუსეთის სამხედრო ძალების წინააღმდეგ.
რუსეთის მხარე მას დაქირავებულ მებრძოლად (მერსენარად) მიიჩნევს. აღნიშნულ საქმეზე ნონაშვილის პოზიცია ან მისი წარმომადგენლების კომენტარი ამ დროისთვის საჯაროდ არ გავრცელებულა.
დონეცკის სასამართლოს გადაწყვეტილება დაუსწრებლად იქნა მიღებული.
დახურვა