ევროსაბჭოს წარმომადგენლები: ახლა მნიშვნელოვანია, შეთანხმება სრულად შესრულდეს

მმართველ გუნდსა და ოპოზიციას შორის მიღწეულ შეთანხმებას ევროსაბჭოს საპარლამენტო ასამბლეის მონიტორინგის კომიტეტის თანამომხსენებლები მიესალმებიან. ტიტუს კორლეციანისა და კლოდ კერნის შეფასებით, ეს არის მნიშვნელოვანი შეთანხმება, რომელსაც შეუძლია ხელი შეუწყოს პოლიტიკური დაძაბულობის დე-ესკალაციას და ქვეყნის დემოკრატიულ კონსოლიდაციას. თანამომხსენებლები ხაზს უსვამენ იმასაც, რომ ახლა მნიშვნელოვანია, შეთანხმება სრულად შესრულდეს.