ინფექციური საავადმყოფოს სამედიცინო დირექტორი მარინა ეზუგბაია განცხადებას აკეთებს და ამბობს, რომ ამ დროისთვის კორონავირუსით ინფიცირების ახალი შემთხვევები არ ფიქსირდება და მათი რაოდენობა ისევ 148-ს შეადგენს.
მისივე განცხადებით, ლუგარის ლაბორატორიიდან 8 პაციენტის ტესტის პასუხებს ელოდებიან, რომელიც დღეს გვიან გახდება ცნობილი.
„სიახლეები ამ ეტაპზე არ არის უცვლელი სიტუაცია გვაქვს. 148 დადასტურებული შემთხვევაა. კორონავირუსით დაინფიცირებული 40 პაციენტი იმყოფება ჩვენთან. ინფექციურ კლინიკაში 16 პაციენტზე ჩატარდა ტესტირება და ყველას პასუხი უარყოფითია. დილის შემდეგ ჩვენთან კიდევ იქნა ჩატარებული დაახლოებით 8 პაციენტზე ტესტირება, რომელთა ანალიზების კვლევაც ლუგარის ლაბორატორიაში მიმდინარეობს და პასუხი გვიან გვექნება. გამოჯანმრთელებულია 27 პაციენტი“, - განაცხადა მარინა ეზუგბაიამ.
დახურვა