ვახო სანაია 5 საათის განმავლობაში შსს-ში იმყოფებოდა

ფორმულას ტელეწამყვანი ვახო სანაია ადვოკატთან ერთად შინაგან საქმეთა სამინისტროში თითქმის 5 საათის განმავლობაში იმყოფებოდა. სანაია მასზე განხორციელებული თავდასხმის ფაქტზე, არსებულ საქმის მასალებს გაეცნო. ტელეწამყვანის თქმით, ინციდენტის შემსწრე სამაშველო სამსახურის 5-ვე თანამშრომელს გამოძიებისთვის ერთი და იგივე ჩვენება აქვთ მიცემული. ვერცერთი მათგანი ჟურნალისტის ცემის ეპიზოდს ვერ იხსენებს.