უკრაინის პრეზიდენტის, ვოლოდიმირ ზელენსკის ინფორმაციით, ვოლგოგრადში საარტილერიო სისტემების საწარმოს დაარტყეს.
"ყველა რუსული თავდაცვითი ობიექტი, რომელიც უკრაინის წინააღმდეგ ომს ემსახურება, ჩვენი შორ მანძილზე მოქმედი სანქციების სამართლიანი სამიზნეა.
გასულ ღამეს ფლამინგოს ტიპის რაკეტებმა წარმატებით დაარტყეს ვოლგოგრადში მდებარე „ტიტან-ბარიკადის“ საწარმოს. ეს მსხვილი სამრეწველო კომპლექსია, სადაც მტერი აწარმოებს საარტილერიო სისტემებსა და სპეციალიზებულ სამხედრო ტექნიკას, მათ შორის იმ სარაკეტო გამშვები სისტემების კომპონენტებს, რომლებსაც ჩვენი ხალხის წინააღმდეგ თავდასხმებისთვის იყენებს.
დადასტურებული დარტყმების შემდეგ საწარმოს ტერიტორიაზე ხანძარი გაჩნდა. მადლობას ვუხდი ჩვენი თავდაცვის ძალების სამხედროებს სიზუსტისთვის.
უკრაინის შორ მანძილზე მოქმედი შესაძლებლობები მუდმივად ფართოვდება. სწორედ ჩვენი ყოველდღიური ზეწოლა ქმნის საფუძველს ღირსეული მშვიდობის მისაღწევად. მადლობელი ვარ თითოეული უკრაინელი ინჟინრისა და სამხედრო მოსამსახურის, რომლებიც ამ შესაძლებლობების განვითარებას უზრუნველყოფენ.
დიდება უკრაინას", - დაწერა ზელენსკიმ.
დახურვა