რუსეთის ღამის შეტევა 6 საათზე მეტხანს გაგრძელდა. სარაკეტო დარტყმის შედეგად დაზიანდა საცხოვრებელი კორპუსი და სამოქალაქო ინფრასტრუქტურა. შეტევა იყო ენერგეტიკულ ობიექტებსა და საცხოვრებელ შენობებზე მთელი რეგიონის მასშტაბით. დრონებმა ოდესასაც დაარტყეს, ერთ-ერთმა უპილოტო დარტყმამ ჩინეთის საკუთრებაში არსებული გემი დააზიანა. რუსებს არ შეიძლებოდა, არ სცოდნოდათ, თუ რომელი გემი იმყოფებოდა ზღვაში. ამ დროისთვის ათობით დაშავებულია, მათ შორის, ბავშვებიც. ამ იერიშის დროს რუსეთმა გამოიყენა 524 დამრტყმელი დრონი და 22 სხვადასხვა ტიპის რაკეტა - როგორც ბალისტიკური, ისე ფრთოსანი. საჰაერო განგაში კვლავ მოქმედებს მრავალ სასაზღვრო და ფრონტისპირა დასახლებაში. ჩვენი სამსახურები მუშაობენ ყველგან, სადაც უსაფრთხოების ვითარება ამის საშუალებას იძლევა. რუსეთი ადამიანებზე თავდასხმისთვის ბალისტიკურ რაკეტებს იყენებს. ევროპამ ყველაფერი უნდა გააკეთოს, რათა ამ საფრთხეების წინააღმდეგ საიმედო დაცვა უზრუნველყოს. ევროპას უნდა ჰქონდეს საკუთარი ანტიბალისტიკური სისტემები და იყოს თვითკმარი მსგავსი საფრთხეების წინაშე. კიდევ ერთხელ ვიმეორებთ: ახლა აუცილებელია საკუთარი ანტიბალისტიკური შესაძლებლობების შექმნა და უკრაინის საჰაერო თავდაცვის გაძლიერება. ეს კვირა პარტნიორებთან ერთად სიცოცხლის დაცვის გაძლიერებაზე მუშაობას დაეთმობა. მადლობას ვუხდი ყველას, ვინც უკვე მუშაობს ამ მიმართულებით უკრაინასთან ერთად.
დახურვა