საქართველოს პრეზიდენტი, სალომე ზურაბიშვილი იენს სტოლტენბერგის განცხადებას გამოეხმაურა და მას მნიშვნელოვანი უწოდა.
"დღეს იენს სტოლტენბერგისგან მნიშვნელოვანი განცხადება მოვისმინეთ. ამ რთულ გეოპოლიტიკურ დროში ჩვენ ვხედავთ, რომ საქართველოს შეუძლია დაეყრდნოს თავისი პარტნიორების მხარდაჭერას ტერიტორიული მთლიანობისა და სუვერენიტეტის მიმართ". - დაწერა სალომე ზურაბიშვილმა ტვიტერზე.
Important statement today by @jensstoltenberg. In these difficult geopolitical times, we see that Georgia can rely on its partners to continue supporting our sovereignty and territorial integrity.
12 იანვარს ნატო-რუსეთის საბჭოს სხდომის დასრულების შემდეგ ალიანსის გენერალურმა მდივანმა, იენს სტოლტენბერგმა განაცხადა, რომ ნატო-ს მოკავშირეებმა მოუწოდეს რუსეთს, გაიყვანოს საკუთარი ჯარი საქართველოდან, უკრაინიდან და მოლდოვადან და პატივი სცემს მათ ტერიტორიულ მთლიანობასა და სუვერენიტეტს. სტოლტენბერგის თქმით, ნატო არ წავა დათმობაზე ძირითად პრინციპებთან დაკავშირებით.
დახურვა