თურქეთის დედაქალაქ ანკარაში ქურდობის ბრალდებით საქართველოს 8 მოქალაქე დააკავეს - ამის შესახებ ადგილობრივი მედია იუწყება. გავრცელებული ინფორმაციით, საქართველოს მოქალაქეებს ბრალად 4 სახლის და რამდენიმე მაღაზიის ქურდობა ედებათ. მათ დასაკავებლად თურქეთის პოლიციამ სპეცოპერაცია ჩაატარა. ერთ-ერთი მაღაზიის სათვალთვალო კამერამ ბრალდებულების დაფიქსირება დანაშაულის ჩადენის დროს მოახერხა. მათი სახლის ჩხრეკისას სამართალდამცველებმა ამოღეს: 5 მობილური ტელეფონი, 1 ლეპტოპი, მაჯის საათი, 1 ვიდეოკამერა და სხვადასხვა სახის ტექნიკა.
დაკავებულებს თავისუფლების აღკვეთის სახით 4 წლით პატიმრობა ემუქრებათ.
დახურვა