მსხვერპლი მოჰყვა ძლიერ მიწისძვრას თურქეთში. 5.9 მაგნიტუდის სიძლიერის მიწისქვეშა ბიძგების ეპიცენტრი ქვეყნის აღმოსავლეთ რეგიონში დაფიქსირდა. ბინგოლის პროვინციის ერთ-ერთ დასახლებაში პოლიციის შენობის ჩამონგრევის შედეგად ერთი ადამიანი დაიღუპა. მიწისძვრის დაშავებულთა რაოდენობა კი 18-მდე გაიზარდა.
ადგილზე სამაშველო სამსახურებია მობილიზებული. დაზარალებულ რეგიონში ვითარების შესასწავლად უკვე ჩავიდნენ თურქეთის ვიცე-პრეზიდენტი და ქვეყნის შინაგან საქმეთა მინისტრი. მიწისქვეშა ბიძგები მეზობელ პროვინციებშიც იგრძნობოდა, მათ შორის ერზურუმსა და ტრაპიზონში.
დახურვა