ამერიკელი კონგრესმენების მიერ მომზადებულ სტრატეგიულ დოკუმენტს, „ქართული ოცნების“ ლობისტები წერილით პასუხობენ. საქმე ეხება დოკუმენტს, სადაც კონგრესმენები ბიძინა ივანიშვილს პუტინის მოკავშირედ მოიხსენიებენ და მის წინააღმდეგ სანქციების დაწესებას ითხოვენ.
ლობისტების წერილში ვკითხულობთ, რომ „ქართული ოცნება“ ივანიშვილის შეფასებასთან დაკავშირებით შეშფოთებულია და ბრალდებებს უსაფუძვლოს უწოდებენ. წერილის მიხედვით, „ოცნების“ მმართველობის პერიოდში საქართველო შეერთებულ შტატებს ისტორიის განმავლობაში ყველაზე მეტად დაუახლოვდა, ივანიშვილი კი ქვეყნის ნომერ პირველი ფილანტროპია.
კონგრესის წარმომადგენლობითი პალატის რესპუბლიკური პარტიის წევრებისგან შემდგარმა ჯგუფმა მწვავე ანგარიში დაახლოებით ერთი კვირის წინ გამოაქვეყნა. დოკუმენტში ნათქვამი იყო, რომ ბიძინა ივანიშვილი რუსეთის სასარგებლოდ საქართველოს დესტაბილიზაციაშია ჩართული. ანგარიშს 13 კონგრესმენი აწერდა ხელს.
დახურვა