საქართველოს პარლამენტის ყოფილი თავმჯდომარე ირაკლი კობახიძე 2020-ის საპარლამენტო არჩევნებისთვის ახალ პროგნოზს აკეთებს.
ამჯერად ის მმართველ გუნდს, არჩევნებზე 60%-ის აღებას უწინასწარმეტყველებს.
“ჩვენ ვიცით როგორია სპექტრი და ეს 2020 წლის საპარლამენტო არჩევნებამდე დიდად არ შეიცვლება. არსებული სპექტრის პირობებში რეალურად გამარჯვებულმა პარტიამ უნდა მიიღოს 45%, რათა შედგეს კოალიცია. გამარჯვებულ პარტიას რას შეეხება, არავის ეჭვი არ ეპარება, რომ ეს ქართული ოცნება იქნება. თუმცა 45% არ არის ჩვენი მიზანი და ამოცანა. მე ვფიქრობ, რეალური სურათი, რაც არჩევნების მერე შეიქმნება, არის 60/20/20. 60% ქართული ოცნება, 20% ნაცნოძრაობა თავისი ევროპული საქართველოთი და 20% დანარჩენი ოპოზიცია. ეს არის რეალურად მიღწევადი შედეგი ქართული ოცნებისთვის,“ - განაცხადა კობახიძემ.
შეგახსენებთ, რომ „პალიტრა ნიუსის“ ეთერში, ირაკლი კობახიძემ ჯერ კიდევ წუხელ განაცხადა, რომ თუ „ქართული ოცნება“ 2020 წლის არჩევნებზე ხმების 45%-ს ვერ აიღებს, კოალიციის შექმნა გართულდება და შესაძლოა, შეუძლებელიც კი გახდეს.
როგორც კობახიძე ამბობს თუ ერთპარტიული უმრავლესობა ვერ შედგა, კოალიცია ისევ ან „ქართული ოცნების,“ ან თეორიულად „ნაციონალური მოძრაობის“ ქვეშ უნდა ჩამოყალიბდეს.
დახურვა