მსოფლიოში კორონავირუსის შედეგად დაღუპულთა რიცხვი 335 000 უახლოვდება. ინფიცირებულთა რაოდენობამ კი 5 200 000-ს გადააჭარბა. დონალდ ტრამპის გადაწყვეტილებით, გარდაცვლილთა ხსოვნის პატივსაცემად ყველა ფედერალურ ნაგებობაზე სახელმწიფო დროშებს 3 დღის განმავლობაში დაუშვებენ.
პრეზიდენტი მიჩიგანში კომპანია "ფორდის" ქარხანაშიც იმყოფებოდა. ტრამპის თქმით, მას პირბადე ეკეთა, თუმცა ის ჟურნალისტებთან გასაუბრებამდე სპეციალურად მოიხსნა.
ერთ დღეში კორონავირუსის შედეგად დაღუპულთა რეკორდული რაოდენობა დაფიქსირდა ბრაზილიაში. ბოლო 24 საათში ვირუსს ქვეყანაში 1 188 ადამიანი ემსხვერპლა, საერთო რაოდენობამ კი 20 000-ს გადააჭარბა.
შეზღუდვების შემსუბუქების პარალელურად, ესპანეთის პარლამენტმა ქვეყანაში საგანგებო მდგომარეობის 6-ს ივნისამდე გახანგრძლივებას დაუჭირა მხარი.
დახურვა