კორონავირუსის 14 ახალი შემთხვევიდან 12 ლენჯერიდანაა. ინფორმაცია "ფორმულას" მესტიის მერმა, კახა ჟორჟოლიანმა დაუდასტურა.
"ამჟამად მესტიაში ეპიდემიოლოგების 12 ჯგუფია გასული, რომლებიც ველზე მუშაობენ. სამ სოფელში 11-ის ნახევრიდან დაიწყება სამუშაო პროცესი. უშგულში ასულია 2 ჯგუფი", - განაცხადა ჟორჟოლიანმა.
საქართველოში დღეს კორონავირუსით ინფიცირების 14 ახალი შემთხვევა გამოვლინდა.
ბოლო მონაცემებით, ქვეყანაში კორონავირუსის 1278 შემთხვევა ფიქსირდება, მათგან გამოჯანმრთელებულია 1058 პაციენტი, გარდაცვლილია - 17.
ცნობისთვის, უწყებათაშორისმა საკოორდინაციო საბჭომ, გართულებული ეპიდსიტუაციიდან გამომდინარე, მესტიაში საკარანტინო შეზღუდვებისა და რეგულაციების გამკაცრების გადაწყვეტილება 10 აგვისტოს მიიღო.
დახურვა