ლვოვის ოლქში აფეთქებების ხმა ისმის.
ოლქის თავმჯდომარის, მაქსიმ კოზიცკის განცხადებით, რეგიონში საჰაერო თავდაცვა მუშაობს.
აფეთქებების ხმა ჯერ მოქალაქეებმა გაიგეს, შემდეგ კი კვამლი გაჩნდა.
რეგიონის ხელმძღვანელობა ხალხს მოუწოდებს, არ დატოვოს საცხოვრებლები, რადგან მუშაობს საჰაერო თავდაცვა.
მოგვიანებით, ცნობილი გახდა, რომ ხანძარი გაჩნდა ზოლოჩივის რაიონის ორ დასახლებაში გაჩნდა. კოზიცკის თქმით, სიტუაცია კონტროლს ექვემდებარება.
მისივე განცხადებით, 25 აპრილს, დაახლოებით 08:30-ზე რუსებმა სარაკეტო იერიში მიიტანეს კრასნოიეს რკინიგზის ერთ-ერთ ქვესადგურზე. შედეგად ხანძარი გაჩნდა. მაშველები ადგილზე ამ დრომდე მუშაობენ.
მსხვერპლის შესახებ ინფორმაცია ჯერჯერობით არ არის.
რუსული ძალების ერთი რაკეტა უკრაინულმა საჰაერო ძალების "დასავლეთის" სარდლობის საზენიტო-სარაკეტო ჯარებმა გაანადგურეს.
რაკეტები რუსებმა სტრატეგიული თვითმფრინავებიდან, სავარაუდოდ, ტუ-95-ებიდან ისროლეს.
დახურვა