![os8veplfdxawguh.jpg](/uploads_script3/news/os8veplfdxawguh.jpg)
პროკურატურა მამისა და ბაბუის მკვლელობაში ბრალდებულისთვის აღკვეთის ღონისძიებად პატიმრობას ითხოვს - სასამართლო პროცესი ხვალ, 11 ივლისს გაიმართება.
როგორც პროკურატურის მიერ გავრცელებულ განცხადებაში ვკითხულობთ, ბრალდებულის მიერ მიყენებული ჭრილობების გამო მისი მამა და ბაბუა ადგილზევე გარდაიცვალნენ.
„გ.ო-მ 2020 წლის 07 ივლისს, ღამის საათებში, მცხეთის რაიონის სოფელ მუხრანში, წარსულში არსებული წყენის გამო, ურთიერთშელაპარაკების ნიადაგზე, განზრახ მოკვლის მიზნით მამას - ა.ო.-ს და პაპას - გ.ო.-ს, დანით, მრავლობითი ჭრილობები მიაყენა და შემთხვევის ადგილიდან მიიმალა. მიღებული დაზიანებების შედეგად ა.ო და გ.ო. ადგილზე გარდაიცვალნენ", - წერია განცხადებაში.
შეგახსენებთ, რომ ბრალდებული პოლიციამ 9 ივლისს დააკავა - პროკურატურამ მას ბრალდება განზრახ მკვლელობის მუხლით წარუდგინა.