ნიკა მელია აცხადებს, რომ რუსთაველის გამზირზე მიმდინარე ძალადობრივ მოვლენებზე პასუხისმგებელი ხელისუფლებაა.
ნიკა მელია სოციალურ ქსელში წერს, რომ ჟურნალისტებზე ორგანიზებულად ნადირობენ, ხოლო პოლიცია არ ასრულებს თავის მოვალეობას, დაიცვას მოქალაქეები.
ენმ-ის თავმჯდომარე ამბობს იმასაც, რომ მთავრობა აუცილებლად შეიცვლება შემოდგომაზე არჩევნების გზით.
„რაც დღეს თბილისის ქუჩებში ხდება, რადიკალური ჯგუფების ორგანიზებული თარეში, ნადირობა ჟურნალისტებზე - სახელმწიფოს გამოცხადებული სიკვდილის ქრონიკაა. დღევანდელი ხელისუფლება მის მიერ მართული ჯგუფების ხელით და პოლიციის შეგნებული უუნარობით, კლავს სახელმწიფოს.
ოქტომბერში, რეფერენდუმის ტოლფას არჩევნებზე გადაწყდება, როგორ ქვეყანაში ვიცხოვრებთ მომდევნო წლებში - დამოუკიდებელ, ამაყ სახელმწიფოში თუ ისევ იმპერიის უკანა ეზოში - გუბერნატორ ივანიშვილის დამყაყებულ გუბერნიაში. სახელმწიფოს არ დაგამთავრებინებთ. თქვენ აუცილებლად დაგამთავრებთ. თუ როგორ, მალე,რამდენიმე დღეში შეიტყობს საზოგადოება", - წერს ნიკა მელია.
დილიდან ქუჩაში გამოსული მოძალადეები შეურაცხყოფას აყენებენ და ფიზიკურად უსწორდებიან მედიის წარმომადგენლებს. თავდასხმები პოლიციის უმოქმედობის ფონზე ხდება.
დახურვა