მკვლელობა შანხაის დასახლებაში. მიტოვებული თეატრის შენობაში გარდაცვლილი კაცი იპოვეს. მას დაზიანება, სავარაუდოდ, ბლაგვი საგნით აქვს მიყენებული. გავრცელებული ინფორმაციით, გარდაცვლილი უსახლკარო იყო და სწორედ მიტოვებულ შენობას აფარებდა თავს. მიმდებარე ტერიტორიაზე მცხოვრებნი ამბობენ, რომ შენობაში ადამიანები ხშირად იკრიბებოდნენ და უსახლკაროები ღამესაც ათევდნენ.
„გავიგეთ, რომ ვიღაც მკვდარი იპოვეს. მიტოვებული შენობა არის. დღეს დილას გავიგე მეც, რომ ვიღაცები ცხოვრობდნენ“, - აცხადებენ მეზობლები.
გარდაცვლილი კაცის ცხედარი გადასვენებულია პროზექტურაში, საქმეზე გამოძიება 108-ე მუხლით მიმდინარეობს, რაც განზრახ მკვლელობას გულისხმობს, სამართალდამცველებს ჯერჯერობით საქმეზე არავინ დაუკავებიათ.
შემთხვევა ყაზბეგის გამზირზე გუშინ ღამით მოხდა.
დახურვა